þriðjudagur, mars 20

Blíðviðrið

,,Nú er úti norðanvindur
..nú er hvítur Esjutindur
ef ég ætti úti kindur...
þá myndi ég láta þær allar inn...
elsku best vinur minn.."

Þessi litla vísa kom upp í huga mér meðan ég fauk milli húsa og trjáa þegar ég hugðist labba heim eftir vinnu.

Fólk á förnum vegi fauk líka út og suður, sem og húsdýr og aðrir lausamunir.

Eins gott að ég makaði á mig sólarvörn áður en ég lagði af stað

www.hrebbna.tk
-í 30° hita...eða frosti-

laugardagur, mars 17

Plögg um plögg frá plöggi til plöggs

Vil vekja athygli fólks á sýningunni

Öskubuska...úr öskunni í eldinn sem FG sýnir um þessar mundir

Aðstoðarleikstjóri sýningarinnar er ekki af verri endanum..ykkar einlæg!
Sýningin er einungis fyrir þá sem fíla frábærann húmor...og alla hina líka!

Næstu sýningar eru sunnudaginn 18. mars kl 20, þriðjudaginn 20 mars kl 20 og miðvikudaginn 21 mars kl 20!

Miðasala er í síma 520-1600...5-2-0-1-6-0-0 eða fimmtuttugusextánhundruð

www.hrebbna.tk
-plögger-

laugardagur, mars 10

Af öllu öðru

Endurmenntunarstefna mín hefur gengið prýðilega undanfarið..

Í síðustu viku lærði ég stafinn G sem er besti vinur g

Stóra G og litla g eru bestu vinir!

G,g,g Goggi kaupir gel...

Einnig lærði ég að plúsa stór og erfið reikningsdæmi með skeljum og legókubbum
.....
..
.

Með þessu áframhaldi stefni ég á háskólanám árið 2070

www.hrebbna.tk
-það er leikur að læra-

mánudagur, febrúar 26

Elliárin

Í dag var ég kölluð alls 34 sinnum kona...

Ef það er ekki merki um það að ég sé að verða gömul..þá veit ég ekki hvað

Ekki bætti það úr skák að þegar ég kom heim úr vinnu og fór í sturtu...fékk ég tak í bakið..og geng nú eins og..jú þið giskuðuð rétt;...

....gömul kona...

www.hrebbna.tk
-120 ára-

þriðjudagur, febrúar 6

Karma comes back around!

Árið er 1998
Undirrituð situr í skólastofu sinni í 6. bekk og gerir, ásamt bekkjarfélögum sínum, forfallakennaranum lífið leitt með því að skálda upp nöfn eins og Mist Eik, Bolli Und Yr Skalason, og Brandur Ari. Strákarnir spýta blautum pappírskúlum úr rörum og tvær stelpur reyna að læra í öllum ólátunum.

Aumingjans forfallakennarinn reynir eins og hann eigi lífið að leysa að kenna ólátabelgjunum dönsku

Árið er 2007
Undirrituð stendur sömu stöðu í skólastofu 6. bekkjar, en hinu megin við borðið.
Aumingjans forfallakennarinn...

...er ég!

www.hrebbna.tk
-fröken kennari-

sunnudagur, janúar 28

HM

Það hlýtur að teljast mikill munaður að geta setið við vinnu og horft á kappleik Íslendinga og Þýsklendinga í beinni á netinu..

Staðan er 22-15 og ég ræð mér vart fyrir spenningi

Ég komst þó að því að vinna og kappleikir fara ekki vel saman, sérstaklega þegar um svo stórann atburð er að ræða...

...ég öskraði á gamlann mann í símann þegar strákunum tókst að klúðra góðu færi...

www.hrebbna.tk
-Áfram Ísland!-

miðvikudagur, janúar 17

Kaldhæðni dagsins

Það er ákaflega mikil kaldhæðni að kaupa sér málningarpensil sem heitir hinu mikla nafni Picasso, og mála svo eins og þriggja ára barn með penslinum

www.hrebbna.tk
-að mála-

mánudagur, janúar 8

Af líkamsrækt

Það hefði verið prýðisgott efni í gamanþáttaröð að horfa á okkur systurnar fara í ræktina í fyrsta skipti í morgun..

..Orðum það bara þannig að undirrituð fer ekki á hlaupabrettið í bráð

www.hrebbna.tk
-í átaki-

fimmtudagur, janúar 4

Barið á glugga...

Ég vaknaði við það í nótt, á fremur ókristilegm tíma, að það var bankað á gluggann minn.

Í fyrstu hélt ég að mig væri að dreyma, og sneri mér á hina hliðina og bjóst til brottfarar í draumalandið...

Aftur var bankað á gluggann...

Ég reis upp, fremur skelfd og teygði höfuðið í áttina að glugganum sem er rétt fyrir ofan rekkjuna en sá engann á ferli, engann sem gæti átt erindi við mig klukkan 04:36 á svefntíma.

Enn var bankað..

Á þessu stigi málsins hefði hjartað mitt spregt alla púlsmæla á Landspítalanum, svo mikil var skelfingin sem greip um mig. Bankið ágerðist í sífellu, en engann var að sjá...

Ég reyndi árangurslaust að kalla á móður mína, stoð og styttu, en kom varla upp hljóði af skelfingu...

Hver var að berja á gluggann minn?

Rétt áður en ég hugðist brjóta rúðuna með annars ágætlega ilmandi ilmvatsglasi...fann ég sökudólginn....

...Gardínan var klemmd út um gluggan, og bankaði og bankaði og bankaði

www.hrebbna.tk
-stóra stelpan ,með litla hjartað-

sunnudagur, desember 24

Þorláksmessa vs Aðfangadagur

Þorláksmessa

Í búðinni lítur Siggi Hall öfundaraugum yfir allar Jóa Fel vörurnar meðan húsmóðir úr Árbænum fær hjartaáfall yfir því að öll jólatré séu uppseld. Fólk er pirrað, hresst eða yfirvegað.

Undirrituð hleypur út um alla búð að redda hinu og þessu, í alls16 tíma þennan dag..

Aðfangadagur

Friðir færist yfir mannskapinn og Siggi Hall notar Jóa Fel sósujafnarann í sósuna.

Undirrituð sofnar yfir matnum

www.hrebbna.tk
-GLEÐILEG JÓL-

þriðjudagur, desember 12

Stekkjstaur kom fyrstur..stinnur eins og tré


Mikil kátína ríkti í barninu í mér í morgun þegar ég sá að góðvinur minn Stekkjastaur hafði enn eitt árið ratað að glugganum mínum.


..já og hann gaf mér Jólastaf..svona til að kæta unga mær við próflesturinn!

.....Aumingja Erna fékk ekki neitt...held að hún sé orðin of gömul!


.....Giljagaur..þú veist hvar ég á heima..ég treysti á þig...

www.hrebbna.tk
-Stórar stelpur fá ennþá í skóinn-

sunnudagur, desember 10

Rainy days

Aumingja prinsinn sem ætlar að laumast í gegnum gluggann inn í nótt..

Stóri pollurinn fyrir utan gluggann minn er ágæt vísbending fyrir hann um að fjárfesta í vöðlum

..já svo mikið hefur ringt á nesinu að um stund hélt ég að faðir minn kær hefði breytt húsinu í örk..og að pollarnir sem umkringja það væru Atlandshafið

www.hrebbna.tk
-í vöðlum-

miðvikudagur, desember 6

Myndablogg

Í vinnunni
Ég elska vinnuna mína
..ekta feik íslenskt fear factor..eða mörk óttans með lifrapylsu, kæfu, blóðmör og hrááli...og mysa til að skola þessu niður.. nammi namm
Myndina sendi ég
Sent með GSMbloggi Og Vodafone

þriðjudagur, desember 5

Blaaa....

Er það bara ég eða er raunveruleikaþáttur um lífið í spilavíti í Las Vegast alveg afleit hugmynd?

Hvernig væri að búa til ekta íslenskan raunveruleikaþátt um lífið í Háspennu, spilasal Íslendinga..eða í Hagkaup.

Rónar, spilafíklar og unglingar undir aldri að fikta í kössunm eða húsmæður sem annaðhvort hafa týnt börnunum sínum eða kvarta yfir of háu verði...

Já, það væri nú spennandi...

....eða ekki!

www.hrebbna.tk
-andvaka-

sunnudagur, nóvember 26

Af grínurum

Síðustu mánuði hefur farsími undirritaðrar verið til mikilla vandræða....bilað á óheppilegum tímum og svo framvegis.

Það hefði því ekki átt að koma mér á óvart þegar vinir og vandamenn fóru að kvarta yfir einu stórundarlegu vandamáli..en það gerði það nú samt.

Þegar vinir og vandamenn hugðust hringja til að spjalla um daginn og veginn kom það ekki svo sjaldan fyrir að þau fengu samband við útvarpstöð eina, nánar tiltekið Fm957

Í fyrstu hélt ég að þetta væri bara hin ótrúlegasta tilviljun..en þegar þetta fór að ágerast var ég nú alvarlega farin að klóra mér í kollinum
.Ég spurði fólk sem kann sitthvað í sambandi við farsíma, þ.e.a.s. meira en að hringja, nota dagatalið og senda sms eins og undirrituð..en enginn virtist skilja hvað væri í gangi.

Það var ekki fyrr í vikunni að ég hafði samband við þjónustuver Vodafone og spurðist fyrir um þetta annars óvenjulega vandamál.

Stúlkan sem svaraði vandamálaspurn minni var eins hissa og ég, og vissi í raun og veru ekki hvað gæti verið að.
Ég tjáði henni að ég vildi fá lausn á þessu vandamáli..til að koma í veg fyrir að tæknihræddar frænkur, áttræð amma og fleiri myndu nú ekki bregða í brún þegar útvarpselítan svaraði en ekki undirrituð. Hún tjáði mér að hún ætlaði að hafa samband við tæknimenn fyrirtækissins og hringja svo aftur í mig.

Eftir fimm mínútur kom símtalið....

Stúlka; Hrefna..sæl! Ég er búin að finna lausn á vandamálinu
Undirrituð: Í alvöru..og hver er vandinn?
Stúlka: Svo virðist sem einhver hafi stillt símann þinn á "divert" sem þýðir að ef þú svarar ekki í símann innan ákveðins tíma færist símtalið yfir á annað númer..
Undirrituð: ...já...uuu...einmitt

Viti menn..ég var með "divert"-ið stillt á hina annars ágætu útvarpsstöð Fm957 sem olli því að fólk fékk samband, ýmist í beina eða óbeina útsendingu útvarpstöðvarinnar.

......
...
..

Ég auglýsi hér með eftir þeim stórkostlega grínara sem stillti þetta á símann minn...

.....hann á skilið klapp á bakið!

http://www.hrebbna.tk/
-göbbuð...-

þriðjudagur, nóvember 21

Myndablogg

Myndablogg
Fýlukall sendi ég vegna bilunar í kerfi bloggsins..
Sent með GSMbloggi Og Vodafone

föstudagur, nóvember 17

Nýjasta nýtt

Ný frostpinnategund hefur litið dagsins ljós og mun hún innan tíðar tröllríða ís-markaðinum hér á landi, þ.e.a.s. ef hitastigið síðustu daga breytist ekki...

Við kynnum;

Hrebbnufrostpinnana!

www.hrebbna.tk
-að dreeeeepast úr kulda!-

föstudagur, nóvember 10

Af vonskuveðri

Ég er ekki frá því að ég hafi séð bæjarstjórann, frú og tvö skólabörn fljúga hérna framhjá glugganum mínum fyrir stuttu..svo mikill er veðurofsinn á Álftanesinu


...ætli Siggi Stormur viti af þessu?

www.hrebbna.tk
-og vonskuveðrið-

sunnudagur, nóvember 5

Af vinnu

Það er alltaf jafn helvíti skemmtilegt að koma til vinnu á sunnudagsmorgni eftir ævintýri helgarinnar.

...já það er líka skemmtilegt að láta þessa 5 klukkutíma líða..og hafa ekkert að gera

...og vitiði hvað er ennþá skemmtilegra?

Þegar starfsmenn ákveða að hringja á fimm, tíu mínútna fresti til að spyrja hvað klukkan sé..

...þá er tíminn nefnilega miklu fljótari að líða.....einmitt

www.hrebbna.tk
-þunnudagur-
Af móðurmálinu

Sama ár og Gorbatjov kíkti í heimsókn í Höfða, og Gleðibankinn vann ekki Júróvision fæddist undirrituð inn í þennan heim.

Síðan þá hefur hún þroskast og dafnað og lært samviskusamlega það mál sem henni var kennt..okkar ilhýru íslensku.

Í rúm tuttugu ár hef ég lært að brúka tungumálið, reglur þess og talsmáta og taldi mig vera þónokkuð vel stadda í þeim málum.

Síðustu daga hef ég komist að því að ég kann bara ekkert í íslensku...varla stakan staf!

Ég sárvorkenni útlendingum sem koma til landsins og hyggjast læra íslensku...tungumálið er jafn flókið og að telja hárin á sínu eigin höfði.

www.hrebbna.tk
-með skólaleiða?-